Skanggipa Poraiani: A-bachenga 3, 1-8
Gitel Isolni dakgimin matburingrangni gisepo chipuan chalakbatgipa ong'achim. Chipu me'chikko sing'aha, "la bario onggipa pilak bolni bitekoba cha'jachina Isol nasimangna aganbebeahama Me'chik aganchakaha, "Barini jatchio donggipa bolni bitena agre, chinga je bolni bitekoba cha'na man'a. Ua bolni bitekode cha na nangja, ba bolkomangba dangtapna nangja; uko cha-ode, chinga sigen ine Isol aganaha." Chipu aganchakaha, "lade bebe ong ja; na-simang sijawa; Isol indake aganaha, maina uko cha'arion na'simang Isol gita ong gen, aro na'simang nama aro namgijako uigen." Unon me'chik, ua bola nitobegipa ong'a aro uni biteba nama ine nikaha aro gisik gnanggipa ongara mairongpile nama ine chanchiaha. Uni gimin ua uni biteko ake cha'aha. Ua mitamko segipana on'aha aro uaba cha'aha. Uamang uko cha-arion mikaoaha aro an'tangtangni nagande'ako u'iaha; unon uamang te'bil bijakrangko sikritchure an'tangtangni nagandeaniko pindapaha. Attam ong'oa uamang bario Gitel Isolni ja'birangko knaaha aro uamang bolrangni gisepo dongnuaha.
Ian Isolni Katta!