Skanggipa Poraiani: A-bachenga 3:9-24
Indiba Gitel Isol mandeko okame inaha, "Na'ara bao?" Mande aganchakaha, "Anga bario nang-ni ja'birangko kna-aha aro anga nang na kene dongnuaha; maina anga nagandechim." Isol sing'aha, "Na'a nagande ine sawa nangna aganaha! Angni cha'jachina agangipa bolni biteko na'a cha'ahama?" Mande aganchakaha, je me'chikko na'a ang baksa donaha, uan la bolni biteko cha'china angna on'aha aro angaba cha'aha.Gitel Isol me'chikko sing'aha, "Na'a maina indake dakaha?" Ua aganchakaha, "Uko cha'china chipu angko tolnapaha." Unon Gitel Isol chipuna aganaha, "lani gimin na'a sakna'atako man'gen; nang'osan ia sao nangchina; da'ontal na'a ka'bakchi malgen, a'dimuan nang'ni cha'ani ong'gen. Nang'ko aro me'chikko anga mitchigrikatgen; nangni aro uni dedrango bobil ong'grikatgen. Uni dedrang nang'ni skoko binekatgen; na'a uamangni japa ki'tikko sugen.Ua me.chikna aganaha, Anga nangni an'o ke'ani dukrangko, an'pakani saknaarangko bariatgen; indioba na'a segipako nangnikkugen; ua nang ni kosako gitel ong'gen." Ua me-asana aganaha, "Na'a jiktangni kattako knachakaha; jeko anga chajachina aganachim, ua bolni biteko na'a cha'aha. Na'a lako dakahana, a'a sao man'china. Janggi tanga dipet na'a kam ka'gen; indakesa chu'onga gita cha'aniko man'gen.
Ian Isolni Katta!